3 O Ježiš leske odphenďa: “Čačes, čačes phenav tuke: Oda, ko na uľola (pes na narodzinela) pale, našťi dikhel o kraľišagos le Devleskero.”
4 O Nikodem phenďa: “Sar šaj uľol manuš, te hino imar phuro? Či šaj džal dujtovar peskera dake andro per, hoj te uľol?”
5 O Ježiš odphenďa: “Čačes, čačes phenav tuke, hoj te vareko na uľola andral o paňi the andral o Duchos, našťi džal andre le Devleskero kraľišagos.
6 So uľiľa andral o ťelos, hin o ťelos, a so uľiľa andral o Duchos, hin o duchos.
7 Ma čudaľin tut, hoj tuke phenďom: ‘Mušinen te uľol pale.’
8 E balvaj phurdel, kaj kamel, šunes la, ale na džanes, khatar avel a kaj džal. Avke oda hin the sakoneha, ko uľiľa andral o Duchos.”
9 O Nikodem lestar phučľa: “Sar pes oda šaj ačhel?”
10 O Ježiš odphenďa: “Se tu sal učiťeľis andro Izrael a kada na džanes?
