15 hoj sakones, ko pačal andre leste, te el o večno dživipen.
16 Bo o Del avke kamelas o svetos, hoj peskere jekhore Čhas diňa, hoj ňiko, ko pačal andre leste, te na merel, ale te el les o večno dživipen.
17 Bo o Del na bičhaďa pro svetos peskere Čhas, hoj te odsudzinel o svetos, ale hoj les te spasinel.
18 Oda, ko pačal andre leste, na ela odsudzimen. Ale oda, ko na pačal, imar hino odsudzimen, bo na pačanďiľa andro nav le Devleskere jekhore Čhaskero.
19 Kada hin oda sudos, hoj o svetlos avľa pre phuv, ale o nipi buter kamenas o kaľipen sar o svetlos, bo lengere skutki sas nalačhe.
20 Ňiko, ko kerel nalačhe veci, našťi avri ačhel o svetlos a na džal andro svetlos, hoj te na dičhol, so kerel.
21 Ale oda, ko dživel andro čačipen, džal andro svetlos, hoj pes te sikavel, hoj oda so kerel, hin kerdo prekal o Del.”
