12 K o yegnkaabi maadi o: yonbidaan, o ya guandi, o bi paagi.
13 Jesu bo bua yedi ba k o kpe i, ama k ban maal k o maadi guamɔnbi.
14 Yeni ki Jesu maadi a sala siigni: Lasaar kpe o.
15 I ya po, k fidi k yin tuo yeni i mɔni, li tie n po pamanli yeni min bo ki ye. Ama tin gedi mani o den po.
16 Be ya po i k Toma, yua bo tami k yesu yiedi bo maadi o liebi, tin ŋɔdi mani ki mɔ kpe yeno.
17 Jesu den pundi ki sua ki Lasaar kpe o ki bedi hali dana naa.
18 Nani Betani n bo ki fagi yeni Serusalemi yeni,
19 Sufi nba boncianli bo gadi ki bua tieni Marti yeni Mari i kuufuondi.
20 Lan ya yognu ki Marti gbadi ki jesu pundi, k o hedi o liigi bo, l bo sua ki Mari kaa o bulñɔbu nni
21 Marti maadi Jesu: yonbidaan a ya bo ye ne, n ninjua bo kan kpe.
22 Ama, yeni lan ya kuli, n bani k a ya buali yaali ti Diedo, ti Diedo ba teni a.
23 Jesu ŋmiani o: a ninjua bu yiedi.
24 N bani, Marti ŋmianio, o bu yiedi li daajijuogi daali.
25 Jesu maadi: min tie o yiedo, ki tie li miali. Yua pia li dandanli ki duu n po bu la li miali, ba o ya kpe;
26 yua fuo ki dug n po, kan bangi ki kpe. A dug li po i?
27 Ke o maadi o: Nn, yonbidaano, n bani ke a tie Kiristo, U Tienu bijua, yua ba cua li ŋandunli nni.
28 Wan yedi lani, ke o siedi ki gedi ki ban yini o ninsalo Maari suoo. Ki yedi o, “Canbáa cua, ki yi a.”
29 Wan gbadi lani, ke o kudi ki fii, ki gedi o kani.
30 Li yognu, ke Jesu da ki pundi u dogu nni, ki da li ye Marta ń tuogi o naankani yeni.
31 Juufinba yaaba n bi ye yeni o li dieli nni, ki baagi o yeni ń la ke o kudi ki fii, ki ñani yeni, ke bi ŋɔdi o, ki maali ke o caa li kakuli kani ki baa buudi i.
32 Maari ń cua Jesu ń ye naani, ki la o, ke o baa ki gbaani o taana po, ki yedi o, “O Diedo, a ya bi ye ne i, n ninjua bi kan kpe.”
33 Jesu ń la ke Maari buudi ke juufinba mo buudi, ke mi maalma kua o, ke o yama ŋmadi;
34 Ke o maadi, “I piini o le i?, ke bi maadi o, “O Diedo, cua na ki diidi.”
35 Jesu bo buudi.
36 Ke juufinba yedi, “Diidi mani wan den bua Lasaari maama!”