Jaki 1:1-7

¹Min jaki, u tienu yeni jesu kilisito naaciemo, n diani yinba piig n buolilie yaaba n yadi yadi ke ye ŋanduna nni kuli po, n fuodi bonŋanla.

²N kpiiba, yin ya nua ya bigina kuli n cua i kani ne tie panmanli ya bona.

³Kelima i bani ke dandanli bignma ba cua yeni i juunli.

⁴Ama yin ŋaa ke li juunli n sɔni o tuonli ke juodi cain. ke yin tua ke yaabi n ŋani ke dagdi cain, ki da ke luo ba bonli kuli.

⁵I siigan, nilo ya ke pia mi yanfuoma wan mia u tienu yua tieni bi niba kuli yeni li bulcindi, o kan fun yeni, o ba teni.

⁶Ama wan mia yeni li dandanli, ke da mali ko b la bii o kan lai? Yua mali ko kan la tie nani mi ñinciamu guona, o faalu n figi ke pendi ya yognu yeni.

⁷Ya nilo n tie yen kuli n da mali ko ba la liba kuli o yonbidaani kani.