1 Pus acsni ixvi ju Apolos ju lak'achak'an Corinto pus ju Pablo pu'alh lacatalhpan tus cha'alh ju lak'achak'an Efeso. Pus ju anch alhitaju ju ali'in ju vachu' ixtalhilaca'anta Jesús.
2 Pus ju yuchi alacjuni: ―Ja tanulh ju Spiritu Santu lami'alhunut'an acsni xalhilac'ap'inat'it ju Jesús. Pus ju yu'unch ta'ak'alhtayanalh. Tajuni: ―Jantu ick'asmat'au ni ca'alilh ju Spiritu Santu.
3 Pus ju acsnich ju Pablo ajunich: ―Pus ja jantu la'ixlhitapaka'ut ju Jesús ju akp'axt'at'it. Chai ju yu'unch tajuni: ―Pus tachi ju xa'amakpaxanan ju Xivan chunch ju ic'amakpaxanantauch.
