20 Edo Peter mi tedo sisina, “Aindabé Psalm da Ove Gaiarida David mi ge engo gagurisina, ‘Embo awa ainda mando pororo parara jimaina, Edo embo da ji ainda itainyae,’ edo daedo, ‘Embo neimi ainda gisijiarida dero baina.’
21 “Awatedo, embo neimi namondekare daedo Yesu da erari ge karigaina. Edo embo awa namondekare daedo imapuma edo esisina, Badari Yesu deda, iji angode John mi embomai bapataito esisina edo gundo deguta ainde Yesu utuda kundo vivitara, ango awa bara.”
23 Ango tesiri awamanemi embo tote (2) avigesitera. Edo embo tote (2)da dao awa Joseph Barsabas (ainda dao nei awa Justus), edo Matthias de.
24 Edo awamane benunu engo sitera, “Badari, inemi embo berarida do bé gido eta. Judas mi ito piari aimbari emboboda buro ari dero gun jindedo dodo betedo yai beyae niyao matawa aveira ainda mauntara. Awatedo, natokare yai arapada pieyo goré, embo indawa embo tote (2)da doda imo matu avigeteta awa Judas da dero baini.”
