19 Ango esiri embomai berari Jerusalem doda isiretera ami bino eiwa ingitera. Awatedo, awamaneda gemi yai ainda dao Akel Dama tedo era. Ainda moka awa ‘Ororo Wotari Butu.’)
20 Edo Peter mi tedo sisina, “Aindabé Psalm da Ove Gaiarida David mi ge engo gagurisina, ‘Embo awa ainda mando pororo parara jimaina, Edo embo da ji ainda itainyae,’ edo daedo, ‘Embo neimi ainda gisijiarida dero baina.’
21 “Awatedo, embo neimi namondekare daedo Yesu da erari ge karigaina. Edo embo awa namondekare daedo imapuma edo esisina, Badari Yesu deda, iji angode John mi embomai bapataito esisina edo gundo deguta ainde Yesu utuda kundo vivitara, ango awa bara.”
23 Ango tesiri awamanemi embo tote (2) avigesitera. Edo embo tote (2)da dao awa Joseph Barsabas (ainda dao nei awa Justus), edo Matthias de.
