Itùon 2:14-19 in Ngangam

Itùon 2:14-19 in Uwien ya Jɔtiefɛ̀nku ya gbɔnku

¹⁴Nɛn saan nɛ Piɛr nin uʼtɔb piik nin uba nnɔ fii' ki sere', nɛ Piɛr len' ufaa bo, ki tɔke' linigol nnɔ ki ye: «Ninbi *Sufmbɛ nin ninbi bà kɛ te *Yerusalɛm ni nɔ, cenge mɛn nʼbó mɔnmɔnm, ń tɔke nɛ niʼtingi.

¹⁵Ni maaleh ki teh binib biɛ ñun' midaam nɛ ki yibe'-ee? Ba ñun' daam, kimɛ nì laan te kutɛnŋaaku ya kur tuwɛ nɛ.

¹⁶Ama *Uwien ya ñɔbonsɔknl Sowɛl là len' nà nnɔ nɛ teh. U là len' ki ye:

¹⁷‹Uwien ye: iwenfɔrkɛ yà we ní nɔ; n li cère nʼFuoñaanm ń baa binib kɛ bo, niʼbijiɛb nin niʼbisiɛb li sɔnkn nʼñɔbon, niʼnacenfɛ̀nb nin niʼjɛciɛn li lɛ tibont tidɛknt yaam.

¹⁸U ya yo nɛ n lá li cère nʼFuoñaanm ń baa nʼtonsɔnb, bijɛb nin bipiib bo, bɛ ń tien nʼñɔbonsɔknb.

¹⁹N li tien micincilnm kutaaku nin kitink bo, n li cère misɛ̀m nin umu nin kumuñiijuɔku ń li te,

Itùon 2 in Uwien ya Jɔtiefɛ̀nku ya gbɔnku