18 N nɑ́ɑ́mmu m mɑ́ɑ̀ kpɛ́í, nkɛ̀ n cicɛ wèè n tɔ̃nní kòò nɑ̀ɑ́ n kpɛ́í.
19 Kɛ̀ bɛ̀ɛ bekɛ Yesu kɛ dɔ̀: A cicɛ borɛ? Kòo bɛ̀ tɛ̃̀ńnɛ́ kɛ dɔ̀: Di í n yɛ̃́, di mɛ nyí yɛ̃́ n cicɛ, kɛ̀ di do n yɛ̃́ di nɑ nyɛ̃́mu n cicɛ.
20 Yesu do bo Kuyie ncĩ́ɛ̃̀tɛ̀ miɛkɛ nkɛ, bɛ̀ ɑ̃ɑ̃̀ dɛ̀ idíítí kɛ nɑ́ɑ́ ndɛ kó tinɑ́ɑǹtì, òmɔù mɛ nyí nhò pĩ nkɛ yɛ̃́ o mɔ̀nnì mu ndo í tùɔ̀kɛmɛ̀.
21 Kɛ̀ Yesu yíɛ́ kɛ́ bɛ̀ nɑ̀kɛ́ kɛ dɔ̀: N yitimu kɛ̀ di bo n wɑmmú kɛ kú di yɛi mmiɛkɛ. Di bɑ́ɑ́ nɑ kɛ́kɔtɛ n kɔri kɛ̀.
22 Kɛ̀ Sifubɛ nnɑ́ɑ́ mbɛmɑ́ɑ̀ kɛ tú: Ò sɑ̀ɑ̀ yóó kuɔ omɑ́ɑ̀ ndɑɑ̀? Bɑ nnɛ́ tú ti bɑ́ɑ́ nɑ kɛ́kɔtɛ ò kɔ̀ri kɛ̀.
