40 Di mɛ nyí dɔ́ kɛ́kɔtɛní m borɛ̀ kɛ́pɛ́tɛ́ mufòmmu.
41 N yí wɑnti bɛnìtìbɛ̀ nni nsɑ̃ntí.
42 N di yɛ̃́mu, kɛ̀ di í dɔ́ Kuyie.
43 N cicɛ weè n tɔ̃nní bɑ́ di í n cɔutɛ́, kòò tɔù mɔù kɔ̀tɛní nɛ̀ omɑ́ɑ̀ di bo ò cɔutɛ́.
44 Di bo yĩ́mɛ kɛ́ntɑ̃́, díndi bɛ̀ɛ̀ wɑnti ditɔbɛ̀ kó yɛsɑ̃ɑ̃, kɛ í wɑnti Kuyie nkuù mɑ́ɑ̀ di sɑ̃ntɛ.
45 Di yɛ̀mmɛ̀ bɑ́ ndo mmíì yóó di sɛi nKuyie mborɛ̀, Mɔyiisi di yie nwèe kpɛti weè yóó di sɛi.
46 Kɛ̀ di mɛ̀nkɛ do nyiemmu Mɔyiisi kpɛti di nɑ nyiemmu n kpɛti, kɛ yɛ̃́ ò nɑ̀kɛ́mɛ̀ míì kpɛ́í.
47 Di nɛ́ í mɛ nyiemmɛ̀ Mɔyiisi wɑ̃̀ri tì, di bo yĩ́mɛ kɛ́yie n kpɛti.
