9 N yí dɑ bɑ́ɑ́ nkutenkù kɔbɛ kpɛ́í, n dɑ bɑ́ɑ́ nhɑ n duɔ́ mbɛ̀ kpɛ́í nkɛ, kɛ yɛ̃́ fɔ̃́ɔ̃̀ bɛ̀ temɛ̀.
10 M mɔkɛ dɛ̀ tú ɑ kpɛrɛ ndɛ, kɑ̀ɑ mɔ̀kɛ dɛ̀ tú n kpɛrɛ. Mɛm̀mɛ kɛ̀ bɛ̀ dɛ́úkùnko n yètìrì.
11 N kũnti ɑ borɛ̀ ndɛ, n tɛ̃́nkɛ í yó nkpɑɑ́ kutenkù miɛkɛ, kɛ̀ bɛmbɛ yó nkpɑɑ́. N cicɛ wèè dò mpɑ́íí, ḿpĩ́ mbɛ nɛ̀ ɑ kó diyètìrì kɛ̀ bɛ̀ ńwɛ̃ nkɛ dò onìtì omɑ́ɑ̀ mí nnɛ̀ fɔ̃́ nti dòmmɛ̀.
12 M bɛ̀ bonɛ̀ kɛ bɛ̀ bɑ̀ɑ̀mu kutenkù miɛkɛ nɛ̀ ɑ kó diyètìrì, kɛ pĩ́ nhɑ n duɔ́ mbɛ̀ bɑ́ bɛ kóò mɔù í feti, kɛ̀ dɛ̀ í tú wèè do dò nkɛ́feti wènwe kɛ̀ dɛ̀ɛ dɔɔ̀ tì wɑ̃̀ri kɛ yɛ̃mmɛ̀.
