12 Iroro yagatanakera Perero iniakera ikemisantaiganake maganiro, impo irirokya ikemisantaigake Verenave intiri Pavoro ikamantageigakerira yagaveakagaigakerira Tasorintsi yovetsikaigakera terira oneimagetenkani ikenkitsatimoigutirira terira iriroegi jorioegi.
13 Impo yagataiganakera iriroegi irirokya nianankitsi Santiago ikanti: —Maika napigematsaegine, nokogake pinkemisantaigakenara nonkamantaigakempira.
