3 ma i vana tuk tar ta ra tututua Akrabim, ma i bolo uro Sin, ma i tutua ta ra papar a taubar tai Kades-Barnea, ma i alalu Kesron, ma i vana tadav Adar, ma i vana likun uro Karka,
4 ma i vana mulai Asmon, ma i irop ta ra tava alir Aigipto, ma ra ta ia ra mutuai ra langun. Go kavava langun ta ra papar a taubar.
5 Ma ra langun ta ra papar a taur ia ra Ta Mat, tuk tar ta ra pakana ra Iordan i alir gumu tana. Ma ra langun ta ra papar a labur i ga tur pa ia ta ra tungunana kai ra ta pire ra pakana ra Iordan i alir gumu tana;
6 ma ra langun i vana urama Bet-Kogla, ma i bolo ta ra papar a labur tai Bet-Araba; ma ra langun i vana urama tadav ra vat kai Boan natu i Ruben;
7 ma ra langun i vana urama Debir maro ra male Akor, ma uro ra papar a labur, ma i lingan upi Gilgal pire ra tututua Adumim, nina i maravai ra tava alir ta ra papar a taubar tana; ma ra langun i vana tadav ra tava En-Semes, ma i tuk tar En-Rogel;
8 ma ra langun i mur ra male kai natu i Inom ma i vana tadav ra papar kai ra tarai Iebus ta ra taubar (Ierusalem nam); ma ra langun i tutua ta ra ul a luana nina i tur ta ra luaina mata i ra male Inom ta ra taoai, ma i varkuvo ta ra papar a labur ma ra mutuai ra male Repaim;
9 ma di ga kure ra langun ba na vana marama ra ul a luana tadav ra mata na tava Neptoa, ma na vana rikai pire ra umana pia na pal ta ra luana Epron; ma ra langun i vana tadav Bala (Kiriat-Iearim nam);
10 ma ra langun i vana likun mara Bala ma i mur ra matana taoai tuk tar ta ra luana Seir, ma i bolo tadav ra papar a luana Iearim ta ra papar a labur (Kesalon nam), ma i kuba tadav Bet-Semes, ma i vana pakit Timna;
11 ma ra langun i vana rikai upi ra matana labur tuk tar ta ra luana Ekron, ma i vana Sikeron, ma i bolo tadav ra luana Bala, ma i vana rikai aro Iabnel; damana ra ta ia ra mutuai ra langun.
12 Ma ra ngala na ta ma ra valian ia ra langun ta ra papar a taoai. Go ia ra langun kikil ra tarai Iuda, da kadia lavur apik na tarai.
13 Ma i ga tul tar ra pakana tai Kaleb natu i Iepune livuan ta ra tarai Iuda, da ra vartuluai kai ra Luluai tadav Iosua, Kiriat-Arba nina ba Kebron, (Arba ia ra tama i Anak).
