12 Ma ra ngala na ta ma ra valian ia ra langun ta ra papar a taoai. Go ia ra langun kikil ra tarai Iuda, da kadia lavur apik na tarai.
13 Ma i ga tul tar ra pakana tai Kaleb natu i Iepune livuan ta ra tarai Iuda, da ra vartuluai kai ra Luluai tadav Iosua, Kiriat-Arba nina ba Kebron, (Arba ia ra tama i Anak).
14 Kaleb i ga korot vue ra utul a natu i Anak tana, Sesai, Akiman ma Talmai, a utul a natu i Anak.
15 Ma i ga vana urama pi na varubu ma ra tarai Debir; ma lua di ga vatang Debir ba Kiriat-Seper.
16 Ma Kaleb i ga biti: Nina ba na ubu Kiriat-Seper ma na uvia pa ia, ina tul tar natugu Aksa tana upi dir a taulai.
17 Ma Otniel natu i Kenas tura i Kaleb i ga uvia pa ia; ma i ga tul tar natuna Aksa tana upi dir a taulai.
18 Ma ba i ga vana pirana, Aksa i ga vo pa ia pi na lul ta gunan na uma tai tamana; ma Aksa i ga irop kan kana as, ma Kaleb i ga tir ia: U mainge ra ava?
19 Ma i ga biti tana: Una tul tar ta vartabar piragu; tago u tar vaki iau ta ra papar Negeb, i boina una tabar iau bula ma ta umana mata na tava. Ma i ga tabar ia ma ta umana mata na tava arama ma ta umana ta ra male bula.
20 Go ia ra tiniba kai ra vuna tarai Iuda vardada ma kadia umana apik na tarai.
21 Ra umana pia na pal kai ra vuna tarai Iuda ta ra papar Negeb ta ra langun aro iat Edom, go diat: Kabsel, Eder, Iagur,
22 Kina, Dimona, Adada,
23 Kedes, Kasor, Itnan,
24 Sip, Telem, Bealot,
25 Kasor-Kadata, Keriot-Kesron (Kasor nam),
26 Amam, Sema, Molada,
27 Kasar-Gada, Kesmon, Bet-Pelet,
28 Kasar-Sual, Ber-Seba, Bisiotia,
29 Bala, Im, Esem,
30 Eltolad, Kesil, Korma,
31 Siklag, Madmana, Sansana,
32 Lebaot, Silkim, Ain, ma Rimon; diat par a ura vinun ma lavuvat na pia na pal ma kadia lavur gunan ik.
33 Ta ra gunan i tamataman: Estaol, Sora, Asna,
34 Sanoa, En-Ganim, Tapua, Enam,
35 Iarmut, Adulam, Soko, Aseka,
36 Saraim, Aditaim, Gedera, ma Gederotaim; diat par a vinun ma a ivat na pia na pal ma kadia lavur gunan ik.
37 Senan, Kadasa, Migdal-Gad,
38 Dilan, Mispa, Ioktel,
39 Lakis, Boskar, Eglon,
40 Kabon, Laman, Kitlis,
41 Gederot, Bet-Dagon, Nama, ma Makeda; a vinun ma laptikai na pia na pal ma kadia lavur gunan ik.
42 Libna, Eter, Asan,
43 Ipta, Asna, Nesib,
44 Keila, Aksib, ma Maresa; lavuvat na pia na pal ma kadia lavur gunan ik.
45 Ekron ma kana lavur pia na pal ma kana lavur gunan ik;
46 ma papa aro Ekron tuk tar ta ra ta, diat par dia tur maravai ta ra langun Asdod, ma kadia lavur gunan ik.
47 Asdod, kana lavur pia na pal ma kana lavur gunan ik; Gasa, kana lavur pia na pal ma kana lavur gunan ik; tuk tar ta ra tava alir Aigipto, ma ra valian ta ra ngala na ta.
48 Ma ta ra gunan i lualuana: Samir, Iatir, Soko,
49 Dana, Kiriat-Sana (Debir nam),
50 Anab, Estemo, Anim,
51 Gosen, Kolon, ma Gilo; a vinun ma tika na pia na pal ma kadia lavur gunan ik.
52 Arab, Duma, Esan,
53 Ianim, Bet-Tapua, Apeka,
54 Kumta, Kiriat-Arba (Kebron nam), ma Sior; lavuvat na pia na pal ma kadia lavur gunan ik.
