9 Ri longoa a ngava iea, lakea ri malaga gosigosi tala, ri vano. E huriki a gare ri vano muga. Ri vano lobo ria, e Isu kikeri i made turana ngatavine iea.
10 Muri e Isu i pesi rike i nanea, “Ngatavine, a vai ria? E rei tara ne ria ge taki ioe go mate?”
11 A ngatavine i koli, i ta maea, “Bakovi Dagi, i uka.” Lakea e Isu i ta maea, “Pali iau tara, i uka ma ga taki ioe go mate. O vano ngane, o lobo ni rata a naro hale.”
12 Na tahuna e Isu i vara tabu, i ta maea, “Iau a nipara na malala. E rei a viri i muri nau, i uka ma ge laho tabu na uvo, bara i tahoka a nipara i habi a nimahuri.”
13 E huriki a Pariseo ri hehe, ri ta maea, “Masia ngane, ioe kikeri o ta ne vomu, pali i uka tara viri ge kori ioe na ngavamu ge muholi.”
14 E Isu i koli, i ta maea, “Bara iau kikeri a ta, pali i uka tara viri ge kori iau na ngavagu, a nitagu i muholi, a vuhuna a lohoka vona a hini a valai vona, a hini ga lakea vona. Pali mua, i uka ma mu lohoka vona a hini a valai vona, a hini ga lakea vona.
15 Mu pelekado e huriki na rabu na malala kunana, pali iau i uka ma pelekadoa tara viri.
