Ioanes 20:8-12

⁸Tie, iriro non kulot o usingnualap la betong lake ai una, irie gat la ula uobu. Ga magimaong miriro pagap ga naganong.

⁹Na iriro tara tale ka mameit maset tiesiap la maiot na Babam aime Iesu leba ina teara na una.

¹⁰Tie, inar terigiliong kulen o usingnualap me lakuan.

¹¹Urie, Maria la man dusieng lavie ai una, ga man iliba. Man iliba ka ga man kiraieng ga man ui tapma na una.

¹²Ga legimaieng angelopien la limanim sasaip mila pasokmeng. Lionama na iriro nap tinan la maiot neip a Iesu ana. Irie la unama uala a. Pa irie la unama malakibap a.