32 Tio egite la valalua la vaubi goio putu loto la vaha girua ale taho lua, egite katu tola egirua te la tauvalautu oio te la galele Iesus iluale.
33 Eala moli egite goio te Iesuso, egite ga hiloao, eia pehoti, tio egite kamati putu loto la vahalale.
34 Eala moli la tahalo la vaubi isasa goio ubi la karusurusule Iesus ele la gata, goio la kasosola me la lalu salitio.
35 Me ale egite ubia mai ele, eau ale hilo seselea, me eau valololae, veia amutou ale ge loloa mulimuli ge tautaulailo ovola. Me eau rovia veia la vikararala tomi taku eia sesele, la vuhula eau hilo seseletila la matagu.
36 Me egite kama putu loto la vahala, egite ubi moli la karusurusula, ale egite igo molia mai ele veia la merera tomi te La Buk Tabu Ale Pala eia ge puru sesele ale eia veia maie: Egite kama ge putu loto isa la tuhala.
37 Me isa lou la merera oio vola eia veia maie: Egite siroga muliti la tahalo ale egite ubiao.
