9 Ina riba ta i heribadi, ia Galilaia eai miana.
10 Ena tataoyao se laolao’o, abotai abo ia hinage ie sae mataasi arinai; nige i laumasaraha, i lauyamuyamui.
11 Iudea tataodi aba mataasi eai ia abo se eooi, si ene, “Ia haedi?”
12 Tatao ia se monunuei: headi si ene, “Ia tau lolo:” headi si ene, “Nige’e; tatao i boraboraidi.”
13 Taiede nige tau esau riba ne i hemasaraha, paana Iudea tataodi se matausiedi.
14 Mataasi duaduarina eai Iesu i awasae numa uura alona eai, abo i lauheata.
15 Iudea tataodi se nooei si ene, “Ina tau ta sonoga edoha ena abiabina, ia nige se heata?”
16 Iesu i ribalau isi aridi eai i ene, “Riba ta eau nige egu riba, tauhetamariguma ia ena riba ede ina.
17 Ena tau esau Eaubada ena nuatu i abiwatai, riba wa abo i nuatulobai, Eaubada ena riba, e, eaubom enagu ea ribaei.
