40 Ûna rà têre ê pâ popai bèepwiri, â wâru ê pâ âboro na rà ina pâ: «Âjupâra pâ wà pwini, âna nye wàé kaa i Pwi Péroféta na jè tapacîê!»
41 Â rà ina wà pàra tàpé pâ: «Wàé kaa wà pwi Mesia!» Êco na rà ina wà pàra tàpé pâ: «Gona ée mwa me gée Galilée wà pwi Mesia? Bwa!
42 Ba jèe wii naa na ê Tii Pwicîri pâ, ée mwa tèepaa wà pwi Mesia gée na wâao kà pwi ukai *Davita. Â ée mwa me gée Bétéléma, village kà Davita.»
43 Êkaa na rà pitadàrùrà goo Iésu.
44 Â nüma pàra tàpé na rà tâjùrué, êco na nye ticè pai pwa wèe.
