41 Tatao edi hedebasae taba nige ea lauwatai.
42 Ea itamiuo, Eaubada ena gadosisi nige i ota nuamiu eai.
43 Ea laoma ta Tamagu esana eai, omi nige au oiyamigu: taba esau i laoma iabom esana i ataiuioi, ia abo au oiyami.
44 Omi edoha emi sunusunumaena, omibom au haihedebasaeuioimiu, eo hedebasae mamohoina, Eaubada mo arinai i laoma, nige au eooi?
45 Tabu au ene, Tamana matana eai abo ea hegirumiu, esau tauhegirumiu ede, Mose emi aba sunuma tauna wa.
46 Taba Mose au sunumaei eau hinage abo au sunumaegu; paana ede i uri hemasarahaguo.
47 Taba ia ena uriuri nige au nuatuidi, eau egu riba edoha emi abasunumaedi?”
