15 Iesu ese e nanadaia, eto, Hahine e, dahaka dainai o taimu? Daika o tahuamu? Maria banava eto ia na imea ireḡuna tauna ta, bena eto, Ḡauka e, bema oi ese ia tauna vada o laohaia idau gabu, a hamaorogu, bena bainala, baina ha abia.
16 Iesu eto, Maria e! Maria na e gini kerehai, eto, Rabouni! (Una hereva anina be “hahediba taumu”).
17 Iesu ese e tamanua, eto, Taugu ai do basio dau kau; badina be Tamada dekena do asina dae kau. A varavaragu hari dekedia aola, ba hamaorodia, do aina dae kau Tamagu bona Tamamui, egu Dirava bona emui Dirava, dekena ai.
18 Bena Maria, hane Magdala, na ela, hahediba e hamaorodia, eto, Lohiabada na itaia. Bena Iesu ese e herevalai henia herevadia na e hamaorodia.
19 Una pura dina gini-gunana hanuaboina ai, hahediba ese edia ruma iduarana vada e koua ahu, Iuda taudia garidia. Bena Iesu na ela, idia bogaragidiai e gini, eto, Maino avabia.
