15 Kanan kasin din mankalkali, “Din inbagan Diyos en siged ay makan et adim paniyewen.”
16 Namitlo ay inila ya dinnge na di, asi naipataoli din lopot ed langit.
17 Nemnemnemen pay Pedro mo sino ngin di laydena ay kalien, sinmawang din inbaan Cornelius yan dinamag da din kad-an di beey Simon. Somawang da pay sin segpan,
18 pag dan pooten mo siya sa di beey ay panteean Simon ay nabdayan si Pedro.
