27 Yangesomelei, ka biliw kawtiw im mutuk e, mak waneng mak gaaneko, Yesus elo bokolewomelu: “Waneng kom dukuko, non kamensu waneng ute kalfongeko, kakat fian mak kemuka!”, dangsu
28 kate, Yesus e yan weng mak bokolomele: “Sunbin-Got em weng kiliko, gelewkabiliw kawtiw ite kuw kalfong fian keko, kakatemoliwka!”, angse kale.
29 Kawtiw mali mak so teleko, Yesus em mit mewso wensansiliw ding dim bakate, e ilo weng mak bokoyemomele: “Kame biliw kawtiw yu ibolow wa nam te. Yu kitil keko, auk so kitil so eisneng atemomin gaanem teliw kate, ne yulo auk so kitil so eisneng gel mak nam kukuyemi te. Sunbin-Got em sua kel akate akalem bontem dim bakamin kunum Yona elo kukulewse auk so kitil so eisneng bakate kuw yukati iti atemokoliw te.
