Text copied!
Bibles in Ditammari

IKUƆ́ NÌÙBƐ̀ 8:11-17 in Ditammari

Help us?

IKUƆ́ NÌÙBƐ̀ 8:11-17 in Bibiri Kuyie Nnɑ́ɑǹtì Pɑ́tíri

11 kɛ́míɛ́tɛ́ diwũɔ̃tɔ̀nnì kucɛ mɛ̀yiekɛ̀, dindi nɛ̀ di nɛntì, kunɑnkú nɛ̀ ku tɑ̀rì,
12 kɛ́cóú nyikuɔ́ kó mɛkùɔ̀ nhAnɔɔ yuu ĩ́nkɛ̀, kóò cɑ̃̀ńnɛ́.
13 Kɛ̀ Mɔyiisii duɔ́ nkɛ̀ Anɔɔ bíí kɔtɛní kòo ì dɑ̀tínnɛ́ yɛkɔutɛ́yɑɑ̀bòrɛ̀ kɛ́boú inɑɑkũ̀ɔ̃ nkɛ́ bɛ̀ boú tiyɑɑ̀bomboúntì bɛ yɔ, kɛ́ndònnɛ̀ ti Yiɛ̀ nKuyie ndo tì nhò nɑ̀kɛ́mɛ̀.
14 Dɛ kó difɔ̃nkúò kɛ́túótɛ́ní dinɑɑdɑɑ̀ mɛyɛi ncĩ́ɛ̃́mmɛ̀ kpɛri, Anɔɔ nɛ̀ o bí kɛ̀ bɛ̀ɛ nɔ́ɔ́ mbɛ nɔu di yuu ĩ́nkɛ̀.
15 Kɛ̀ Mɔyiisi dì fèútɛ́ kɛ́pɔɔ̀tɛ̀ mɛyĩ̀ĩ̀ nho nɔ́mbii kɛ́míɛ́tɛ́ diwũɔ̃tɔ̀nnì bɑ̀kɛ̀ kɛ́fítɛ́, kɛ́ dì wèńkùnnɛ kɛ́ dì cɑ̃̀ńnɛ́ kɛ̀ dì ntú mɛyɛi ncĩ́ɛ̃́mmɛ̀ kpɛri kɛ́cóúnko mɛsɔmmɛ diwũɔ̃tɔ̀nnì fũ̀ɔ̃̀,
16 kɛ́deè kɛ́túótɛ́ mɛkùɔ̀ mmɛ̀ɛ̀ dɑ̀ɑ́tí tinɑutì, nɛ̀ mɛ̀ɛ̀ cɑ̀ɑ́tí yɛɔ̃ nɛ̀ yɛceumbɛ̀ yɛdɛ́ nɛ̀ mɛkùɔ̀ mmɛ̀ɛ̀ yɛ̀ cɑ̀ɑ́tínɛ̀ kɛ́ dɛ̀ tùɔ ndiwũɔ̃tɔ̀nnì ĩ́nkɛ̀,
17 kɛ́túótɛ́ di kɔ̃̀nkù nɛ̀ di mɑɑ nnɛ̀ di piti kɛ́dennɛ Isidɑyɛɛribɛ kɑrì kɛ́tuɔ nti Yiɛ̀ nKuyie ndo tì nɑ̀kɛ́mɛ̀ Mɔyiisi.
IKUƆ́ NÌÙBƐ̀ 8 in Bibiri Kuyie Nnɑ́ɑǹtì Pɑ́tíri