23 Nɑ́kɛ́ Isidɑyɛɛribɛ kɛ tú: Di bɑ́ nyo mmɛnɑɑkùɔ̀ nnɛ̀ ipe nɛ̀ sibɔɔ́ dɛ kɔ̃mɛ.
24 Kɛ̀ fɛɔ̃̀fɛ̀ mɑfɛ̀ ku yoo musĩ̀mmù fɛ̀ pĩ, di bɑ́ɑ́ cɑ́ɑ́kɛ́ fɛ kùɔ̀, di nɛ́ bo nɑ kɛ́ mmɛ̀ pĩ̀ńnɛ̀ mutɔ̃mmú.
25 Kòò mɔù cɑ̀ɑ́kɛ́ mɛkùɔ̀ mbɛ̀ ɔ̃ɔ̃ n kuɔ fɛɔ̃̀fɛ̀ kɛ́dɛitɛ mɛ̀ kɛ́tuɔ. Bɛ̀ɛ ò dènnɛ Isidɑyɛɛribɛ tĩ̀nnì miɛkɛ.
26 Bɑ́ kɛ̀ di bo kɛ̀ɛ̀ bíɛ́kɛ̀ di bɑ́ nyo mmɛyĩ̀ĩ̀, bɑ́ tɛnɔ̀tɛ̀ kɔ̃mɛ yoo itɑ̀ɑ̀kɛ inɑ̀ɑ̀ kpɛrɛ kɔ̃mɛ.
27 Kɛ̀ wèè di mɛyĩ̀ĩ̀ mbɑ́ kòò tu wè bɛ̀ɛ ò dènnɛ Isidɑyɛɛribɛ tĩ̀nnì miɛkɛ.
28 Kɛ̀ ti Yiɛ̀ nKuyie nyíɛ́ kɛ́nɑ́kɛ́ Mɔyiisi kɛ dɔ̀: Nɑ́kɛ́ Isidɑyɛɛribɛ kɛ dɔ̀:
29 Kòò mɔù n fèútɛ́ fɛɔ̃̀fɛ̀ wèe dɛitɛ kumɑɑ nkùù tu n kɔku.
30 Wèe dɛitɛ o mɔ́mmuɔ nyìì tu n kpɛyi, mɛkùɔ̀ nkpɛrɛ nɛ̀ dicĩ̀ncĩ̀nnì kɛ́ dɛ̀ nni mbɛnkɛ.
