16 Kɛ̀ ikuɔ́ nìùtì m pɑ̃ tidiitì kó dipɑ̃nnì bɛ̀ɛ dì tùɔ, mbɛ̀ bɑ́ɑ́ dì di.
17 Kɛ̀ ti Yiɛ̀ nKuyie nni nsɔkɛ́ ku nɑ́ɑǹtì kɛ́nɑ́kɛ́ Mɔyiisi kɛ dɔ̀:
18 Nɑ́kɛ́ Anɔɔ nɛ̀ o bí kɛ tú: N yɛ̃ nkɛ̀ bɛ̀ yó n féútɛ́ fɛɔ̃̀fɛ̀ mɛyɛi ncĩ́ɛ̃́mmɛ̀ kpɛ́í mbɛ̀ɛ fɛ̀ nni nféútɛ́ mɛtɑummɛ̀ tou ììkɛ̀ bɛ̀ n feu dɛ̀ bɛ̀ tùɔ̀ nyì. Bɛ̀ fɛ̀ nni mpɑ̃mu.
19 Ikuɔ́ nìùtì wèè kùɔ dɛ kó fɛɔ̃̀fɛ̀, weè dò nkɛ́ fɛ̀ di ò mɛ mbɑ́ɑ́ kɑri sɔ̃́ntíkoo kó dibòrì kɛ́ fɛ̀ cɑ̀ɑ́kɛ́, wèe kɑri mɛtɑummɛ̀ tou kó kudɑ̀nkù.
20 Kòo tɔù mɔù kɑ̀ɑ́kɛ́ dɛ kó kumɑɑ nhò kúmu, kɛ̀ mɛyĩ̀ĩ̀ mmɛɛ̀ mɛ ndɑ̀ri o yɑ̀ɑ̀tì, wèe tì ɔ̀ú dibòrì bɛ̀ tɑ̃ɑ̃tɛ́ dì dɛ kpɛ́í.
