Iems 1:1-7

¹Ka iau ae Iems a iau a akumangngatulu ae Nutu bae Iesus Karais Avolau kanrea. Iau ka papaꞌe lau laekia te miau ra galiaume ka ri tangulelu ba lua re ngae Israel. Miau kaka kaꞌe maga pupuna rae miau, na kaka loa aka mommo nga maga ina pattoto. Iau ka ba ka sinro ae iau te miau.

²Kolingau memena ngallo nge Karais, nga ina nga maenang matantana ngeke lele nge miau ta ri avanga miau, na miau nga lomiaungana roma ka i a ore nga serenga mana.

³Iau ka role minmina kurumea, miau nga lomiaumatana roma maenang nginngina keke amve lopatokona ae miau te Nutu. Ba keke papote lopatokona a kaomanna. Minmina na miau kaka la meising gingging ba kaka la tolonge maenangme.

⁴Ava miau ngaka ngatakale bainga e nga meising gingging ba tolonge maenangme ta i kumangng ka kumangnganame kinung ngallo nge miau. Ngaka kuma minmina ta baina nga miau ra ragau ra baingareame ke tupu raumana nge Nutu raguna ba ragau re sane ke moro ta bainga rae Nutu mate rea.

⁵Ava ngaroma agau te ngaliua nge miau nge moro ta lomatana ore nga taonga e pe, na i nge ballage Nutu a i a atungakana ba Nutu e sane pamolloga iu ta reke atu te i. Na agau laeala ke la ravunge oru ra i ballage Nutu tao.

⁶Ava nga ina agau laeala nge ballage Nutu ka ollaeala, na i nga lonapatokona roma Nutu ka baingana minmina. Agau laeala sana nga lona lualua kurumea, agau a lona lualua ka tongana kena ma pelau ina bovole isoe be mapuli kalaoveka.

⁷Na agau matana laeala ke sana nga lonangana roma i la ravunge kana otte nge Nutu. Ka i a agau a ramana lualua ore sane meisgingging nga bainganame kinung.