3 Wali agali bibahendeme ibu kini duniniore howa mini lene ka lalu ibunaga mini yaraga holebira. Ibu mini tigabi baya buruguleore kagoni.
4 Kini hongo haiheore-o í̠ mana bayale tigabi ngago dege hame laga kegoni. Í̠na mana bayale tigabi lo ngegoni ina Isaraele wali agalirume bialu haabo holoma̱ya ngirigoni. Wali agali tara karume biraru hondowa iname tigatiga mo tale bialu holoma̱ya mo walia hari.
5 Anduane Homogo inanaga Ngode Datagaliwabe kagonaga mini yaraga holene nga. Ibuni kagoha hapara howa ibu mitangi bialu lotu lalimu. Ibu mini tigabi baya buruguleore kagoni.
6 Mosese Aronola libu Anduane Homogonaga loma binigo mo miaga agali hene. Samuele ibugua ibuhondo bi laga hene. Uruni tigua Anduane Homogo olayagola ibugua tinaga bi hale haga hene.
