14 Ko bulene ngaru erembira mialu mana bayale bialu halimu. TÃnaga gubalinioreme mbirale mo palia howa bigi bulenego dabalu bialu halimu.
15 Wali agali mini tigabiwi karu Anduane Homogo ibunime de handaya howa mamage haga ka. Tigua genda yu howa ibu olaga biragola ibunime hale halu biamogo biaga ka.
16 Mana ko biaga karu hondowa Anduane Homogo ibu turu nahaga ka. Ko biagaru homaragola wali agalime uruni ti abaleore embedaho waholebira.
17 Mini tigabiwi karume Anduane Homogo olaragola ibugua hale halu ladai biaga ka. Ti genda tara tara yu howa ibu olaga biragola ibugua hale halu biamogo bigi biaga ka.
18 Wali agali mini dege dindi howa turu nahe karu Anduane Homogo ibu ti kagoria kaware ka. Miniha hanaho holene mbira nawioredagola agini hanaho hoabe tobaho karu ibugua pele miaga ka.
