10 Anduane Homogohanda hameigini tara tara dindi dewaoreni hearu bo wahaga bialu kini hongohe bu hearunibi bo wahai haga bini.
11 Ibugua Amoro wali agalinaga Kini Sihono bo wahalu Basana wali agalinaga Kini Oga bo wahalu Kenana dindiha kini dewa bu hearubi bo wahai halu bini.
12 Ibugua dindi uruni ibunaga wali agaliruhondo mini. Isaraele wali agali hearu tihondo dindi uruni bibahende miai hene.
13 Anduane Homogo-o wali agali bibahendeme í̠ Ngode Datagaliwabeore kagonida lalu latagi haabo holebira. Wali agali mani holebirarubi ti bibahendeme í̠ ogonibiore ke lalu manda bulebira.
