169 Anduane Homogo-o i̱ biamogo bia lalu olalu kogo hale habe. Abale howa í̠na i̱hondo manda bulene nguleore lalu bi lo wiridagua i̱ manda bulene timbuni mo ngibe.
170 Ainde i̱na í̠hondo bi larogo baya hangu hale halu í̠na pele ngialu haru dai bule laridagua áyu i̱ pele ngibe.
171 Í̠na í̠naga mana lo ngeru i̱ lawai haabo haga kegonaga i̱na í̠naga mini yaraga haabo halu holebero.
172 Í̠naga bi mana damenego bayale tigabi dege ngegonaga i̱na mana ogoni lalu iba gana la halu holebero.
173 Í̠naga bi mana damenego bibahende talialu bialu kogonigo ai nde í̠na i̱ biamogo bule manda bu haabo habe.
