13 Aonega e davariamu tauna na namo, bona lalo-parara e abiamu tauna danu;
14 badina be aonega ena amo e heabimu ahuna ese silver ena amo e heabimu ahuna na e hereaiamu, bona davana ese gold e hereaiamu.
15 Ia davana ese herahera nadidia davadia e hereadiamu, bona o ura henimu ḡaudia ta na ia ida basie heḡereḡere.
16 Mauri daudauna na ia imana idibana ai; taḡa bona heimodai na ia imana laurina ai.
17 Ena dala na moale daladia; ena dala iboudiai na maino daladia.
18 Ia na mauri auna, e dabaia taomu taudia ediai; e dogoa taomu taudia na moale taudia e gwauraidiamu.
19 Iehova ese aonega amo tanobada e hadaia, lalo-parara amo guba e karaia;
20 iena diba-bada dainai gadobada na e aru dae, bona ori ese hunu e hadihoamu.
