Hechos 9:3-5

³Neꞌe‑s tutu jan juaꞌan Damasco, te nu n‑kuyatni‑s Damasco, danaa ndii ɨɨn xa ndii andɨu, te ndeꞌe n‑ndii nɨkanduu nuu nujuiin‑s.

⁴N‑ndua Saulo te n‑teku‑s xa n‑jaꞌan. Duꞌa n‑teku‑s: —Saulo, Saulo, ¿nakuenda kida uꞌu‑n ñayiu ndeka‑r u? Kuenda kɨu mee‑r kida uꞌu ñaꞌa‑n.

⁵Xiaꞌan Saulo: —¿Jundu kuu ndixi u? Te n‑jaꞌan xa n‑jaꞌan jan: —Ruꞌu kuu Jesús. Kuenda kɨu mee‑r kida uꞌu ñaꞌa‑n xa kida uꞌu‑n ñayiu ndeka‑r.