32 Cadro cayoḻ dade'ga neṉ guijtz ni caj xtidx Dios rnii scree: Di xiil cuedxa' che rinä bejṉni cadro guetni; dxitis raa xiil che ruhuajrenini. Si'c te xiil najc niguiire, xhet rniidini mase rusacsíduxhrenini.
33 Basacsíduxhrenini. Reguxhtis ni niujn yäḻguxhtisni xhet laliidi bejnreni. Xhet si'cti nunyäjḻ gunreni. ¿Xho guiniinu yu' xpejṉni? Ni abagu'trenini. Diruni guibajṉ lo guedxliuj.
34 Dxejcti gunabdiidx beṉ Etiopía, räjpni lo Felipe: ―Gunilaa loä, chuni'c ruzä't niguii nani bacuaa reguijtzre, ¿la ruzä'tni lagajc laani o la ruzä'tni ste'ca bejṉ, ä?
