18 Itech nekateh tonatijmeh niktitlanis no Espíritu itech n tlakah iwa siwameh akimeh tekiti nonawak, iwa tetlapowiskeh tlan satepa tlamochiwas.
19 Tlakpak kan ilwikak iwa tlatsintla itech tlaltíkpaktli: nikinteititis neskayolteh, estli, tletl iwa méxpoktli.
20 N tonati ayakmó tlawis, iwa n metsi chichilewis kemi estli, achto de maajsiki itonati n Toteko, non tonati yetos weyi iwa mawistik.
21 Iwa nochteh akimeh kitenewaskeh Itoka n Toteko, Ye kinmakixtis.
22 'Tlakah de Israel, xikkakikah tlan nomechilis: Jesús de Nazaret, Dios okipéjpenki. Nomejwah kuali nonkimatokeh, porke Dios okimák weletílistli para makinchiwa wejweyi neskayolteh nomoixpa, kemi nomejwah kuali nonkimatokeh.
23 Pero nomejwah ononkikitskijkeh iwa ononkitemaktijkeh inmak tlakah tlajtlakolejkeh, iwa yejwah okimiktijkeh ipan krus, ijkó kemi Dios yokimatia iwa okimonekilti ijkó mamochiwa.
24 Pero Totajtsi Dios okiyoliti. Ye okitekixtili imak n mikílistli, porke n mikílistli mach owéletki okítlanki.
25 N rey David otlajto de Cristo Jesús ijkuak okijto: Nochipa onikitaya n Toteko noyakapa; amitla weletis nechmojtis, porke ye kajki nomayekma.
26 Yika niyolpaki, iwa nitlakuika ika pakílistli, iwa maya niwilantos, kuali nikmatok oksepa nimoyolitis.
27 Porke mach tikkawas noalma kan miktla, nion tikkawas maijtlakawi ikuerpo Mokone yolchipawak.
