12 Bidxeloduxh rebeṉ xhidaalga, dijiejṉ xhi xhigab gunreni. Räjpreni lo sa'reni: ―¿Xhi säloj dee?
13 Dxejcti guyu' rebejṉ ni baxhiznäjreni, räjpreni: ―Agusojz redee.
14 Dxejcti gusulii Pedr näjza tzubiteeb sa'ni, guredxa'ni guniini lo rebeṉ xhidaalga: ―Guejbtu, rexpejṉ Israel, nani rbäjz distrit Judea näjza guedx Jerusalén. Coḻcuadiajg diidx nani guiniä.
15 Xhet sojzdinu si'cni cayujntu xhigab. Rsilru ṉaj, entis gojl rcagaa.
16 Dxejc scree gunii Joel che guniini xtidx Dios agujc xchero.
