24 Nuudeb güeldilaazdeb ni gunii Pablɨ, per nuudeb quɨt güeldilaaztideb.
25 Ne cun quɨt guctideb tubylo, parzi guzulo zíadeb. Chiy raipy Pablɨ laadeb: —Didxldíquɨy ni raipy profet Isaías de to xpɨngul gulalnɨ dec Spíritu Sant guniiny:
26 Quegüe chiy guts de bnietre: Masquɨ rindiagdeb per quɨt xi gacbeetideb, ne masquɨ rianlodeb per lazu quɨt rianlodeb.
27 Te pur laadeb abxungdeb laadeb, ax rundeb zec ni quɨt rianlo ne quɨt rindiag te par quɨt íguiaadeb ne guindiagdeb ax gacbeedeb. Te pur laadeb quɨt rcaaztideb gueeddeb cun nare, ax gúna perdóndeb.
28 Pur ningui gulgacbee dec desde anre lo de bniety ni quɨt náti bniety Israel irɨɨch diidx xa xquel gaaddeb perdón xte Dios, ne laarudeb zeldilaazdeb de diidxqui.
29 Chi gulull gunii Pablɨ ziy, zégac de bniety Israelqui rchaadeb lo diidx cun saadeb.
30 Tiop iz gulez Pablɨ ruy, yuu rut gudillybɨ. Chiy ruy baanbɨ cuend irate de bniety ni güetixlo laab.
