3 Y de allí cay ucꞌajtiobꞌ tuaꞌ e Festo tuaꞌ uyebꞌta watar e Pablo esto tama e chinam Jerusalem otronyajr. Pero ubꞌijnusiajobꞌ jax era: Que cꞌani uyareobꞌ achamesna e Pablo tama e bꞌir.
4 Pero e Festo machi ucꞌani porque e Pablo ya chꞌar tama e cárcel tama e chinam Cesarea, y jaxir quetpa tuaꞌ asutpa axin esto tama e chinam yajaꞌ tuaꞌ unata lo que war anumuy.
5 Entonces jaxir ojron y che: —Pues tin e ayan más ucꞌotorer tijam nox ucꞌani tuaꞌ ixixin tacaren esto tama e chinam Cesarea. Y jay ayan lo que uche e Pablo xeꞌ mabꞌambꞌan, nox erer iware taniut yajaꞌ, che e Festo uyare e nuquir winicobꞌ tama e chinam Jerusalem.
