Hechos 22:5-14 in Achi

⁵ I ʼatz laj sacerdóte, xak i nimak tak mamʼib quetaʼam chi ique mísmo xqui ya pinʼab que ʼe in chapa i creyent. Xqui ya bi wuj chwe, cʼutbal re ile chique i kach aj tinimit chila pa tinimit Damásco. Are ʼuri xin ʼe chila tzucbal que i creyent; xwaj que in cʼam li waral Jerusalen, ʼilbal-re wach i tojbal re qui mac quiqui ʼano.

⁶ Are quin tijin chi be, ya mer quin upon Damásco, colo tiqʼuil ʼij, xak teʼet lic xrepcan u tzunbal jun ʼaʼ chwij chinwach, u petic chicaj.

⁷ Xin tzak pulew, y xin ta jun chʼawbal chicaj chi xu bij: “A-Sáulo, a-Sáulo, ¿wuchac ca ʼan chʼoʼoj chwij yin?” coʼono.

⁸ “¿At pachin yet, Nim laj Winak?” xin cha. Are ʼuri xu bij: “Yin in Jesus aj Nazaret. Chwij yin ca ʼan wi chʼoʼoj,” coʼon chwe.

⁹ I je wachiʼil xquil i ʼaʼ chi xrepcanic, y xqui xij quib che; xui-ri n-xqui ta ti u chʼawbal i Jun chi xin u ʼijla.

¹⁰ Are ʼuri, yin xin bij: “¿Wach cawaj quin ʼano, Kajwal?” xin cha. I Kajwal xu bij chwe: “Chat walijok; cha maja chubi a be Damásco. Chila ca bix wi chawe ronojel wach i ca ʼano,” xin utixic.

¹¹ Rumal u rep i ʼaʼ, n-xin tzun ta chic; rumal-i, i wachiʼil xqui chap bi che in ʼab, y xin qui cʼam bi cʼa pa Damásco.

¹² Chila jekel wi jun achi, ma Ananías u bi. Ire lic u yom u cʼux chu ʼonquil ronojel i ʼatbal tzij tzʼibtal can rumal i mam Moises. Conojel i aj Israel winak chila pa Damásco quiqui bij chi ire ʼutz laj mam.

¹³ I ma Ananías-le, xol in u solij. Are xcʼunic, xtaqʼui chin cʼulel y xu bij chwe: “Wachalal ma Sáulo, ¡chat tzunok!” xu bij chwe. Are xbitaj ile rumal, xin tzunic, xwil u wach.

¹⁴ Teʼuri xu bij chwe: “I Dios chi qui cojom u ʼij i katit ka mam, ire at u chom yet oʼonom lok chu retamaxic wach craj ire. At u chom yet chi rilic u wach i Jun chi lic ʼutz chuwach i Dios; at u chom yet chu tayic u chʼawbal i Jun-le.

⁵ Ri kajawal raj chakunel pa Rocho Dios y konoje ri nimaq winaq re ri tinamit lik ketaꞌam qatzij wa kambꞌiꞌij, ma rike lik xkilo saꞌ taq ri xinꞌano. Ma chike ne rike xinkꞌul wubꞌi uwujil, tzꞌibꞌital bꞌi chike raj wach e aj judiꞌabꞌ e kꞌo Damasco chaꞌ utz kebꞌenuchap lo chi presoyil ri kikojom rubꞌiꞌ ri Cristo y kebꞌenukꞌam lo Jerusalem re keyaꞌiꞌ pa kꞌaxkꞌobꞌik.

⁶ »Ekꞌu laꞌ kintajin chi bꞌe y xa naqaj chik in kꞌo che ri tinamit Damasco, echiriꞌ laj pa tikꞌil qꞌij xaqikꞌateꞌt xpe chilaꞌ chikaj ruwonibꞌal jun aqꞌ. Waꞌ xwol kaꞌn panuwiꞌ y xusutij wij.

⁷ Xintzaq pulew y xinta kꞌu jun qulaj jewaꞌ kubꞌiꞌij chwe: “Saulo, Saulo, ¿suꞌchak katchꞌoꞌjin chwij?” xchaꞌ.

⁸ »Y riꞌin xinkꞌul uwach: “¿China rilal, Wajawal?” Rire xubꞌiꞌij chwe: “Riꞌin in Jesús ri aj Nazaret, ri jun katchꞌoꞌjin chirij” xchaꞌ.

⁹ »Yey ri e kꞌo wukꞌ paqatzij wi xkil ruwonibꞌal ri aqꞌ xwol kaꞌn panuwiꞌ y xkixiꞌij kibꞌ che; noꞌj na xkimaj ta usukꞌ ri qulaj kachꞌaꞌt wukꞌ.

¹⁰ »Ekꞌu riꞌin ximbꞌiꞌij: “¿Saꞌ kꞌu riꞌ kanꞌano, Wajawal?” »Y ri Qajawal xubꞌiꞌij chwe: “Chatyaktajoq y jat pa ri tinamit Damasco, ma chiriꞌ kabꞌiꞌx wi chawe janipa ri kuaj Riꞌin kaꞌan riꞌat” xchaꞌ.

¹¹ »Riꞌin na xintzuꞌn ta chi kꞌu riꞌ ma ruwonibꞌal ri aqꞌ xwol kaꞌn panuwiꞌ, xuchup upa nuwach. Xa kꞌu xinchꞌelex bꞌi che ri nuqꞌabꞌ kuma ri e wachbꞌiꞌil, y jelaꞌ xinopon pa ri tinamit Damasco.

¹² »Chiriꞌ kꞌu riꞌ kꞌo jun achi Ananías rubꞌiꞌ; rire lik jusukꞌ rubꞌinik che utaqexik taq ri taqanik re ri Tzij Pixabꞌ, yey lik chom ruchꞌaꞌtibꞌexik kakiꞌan konoje raj judiꞌabꞌ ejeqel chiriꞌ.

¹³ Xkꞌun kꞌu ri Ananías che wilik, xqibꞌ wukꞌ, y jewaꞌ xubꞌiꞌij chwe: “Hermano Saulo, chakꞌulu tanchi ratzuꞌnibꞌal” xchaꞌ. Chupa kꞌu laꞌ la joqꞌotaj, xintzuꞌn tanchik y xinwil uwach ri Ananías.

¹⁴ »Ekꞌu ri Ananías xubꞌiꞌij chwe: “Ri Dios ke kan ri qatiꞌ-qamam, atuchaꞌom chik chaꞌ kawetaꞌmaj saꞌ ri lik karaj Rire, kawil kꞌu uwach ri Jun lik jusukꞌ y kata chi uchiꞌ janipa ri kubꞌiꞌij chawe.

⁵ Ri cajawal raj chacunel pa Rocho Dios y conoje ri nimak winak re ri tinamit lic quetaꞌam katzij wa cambiꞌij, ma rique lic xquilo saꞌ tak ri xinꞌano. Ma chique ne rique xincꞌul wubi uwujil, tzꞌibital bi chique raj wach e aj judiꞌab e cꞌo Damasco chaꞌ utz quebenuchap lo chi presoyil ri quicojom rubiꞌ ri Cristo y quebenucꞌam lo Jerusalem re queyaꞌiꞌ pa cꞌaxcꞌobic.

⁶ »Ecꞌu laꞌ quintajin chi be y xa nakaj chic in cꞌo che ri tinamit Damasco, echiriꞌ laj pa tiqꞌuil kꞌij xakicꞌateꞌt xpe chilaꞌ chicaj ruwonibal jun akꞌ. Waꞌ xwol caꞌn panuwiꞌ y xusutij wij.

⁷ Xintzak pulew y xinta cꞌu jun kulaj jewaꞌ cubiꞌij chwe: “Saulo, Saulo, ¿suꞌchac catchꞌoꞌjin chwij?” xchaꞌ.

⁸ »Y riꞌin xincꞌul uwach: “¿China rilal, Wajawal?” Rire xubiꞌij chwe: “Riꞌin in Jesús ri aj Nazaret, ri jun catchꞌoꞌjin chirij” xchaꞌ.

⁹ »Yey ri e cꞌo wucꞌ pakatzij wi xquil ruwonibal ri akꞌ xwol caꞌn panuwiꞌ y xquixiꞌij quib che; noꞌj na xquimaj ta usucꞌ ri kulaj cachꞌaꞌt wucꞌ.

¹⁰ »Ecꞌu riꞌin ximbiꞌij: “¿Saꞌ cꞌu riꞌ canꞌano, Wajawal?” »Y ri Kajawal xubiꞌij chwe: “Chatyactajok y jat pa ri tinamit Damasco, ma chiriꞌ cabiꞌx wi chawe janipa ri cuaj Riꞌin caꞌan riꞌat” xchaꞌ.

¹¹ »Riꞌin na xintzuꞌn ta chi cꞌu riꞌ ma ruwonibal ri akꞌ xwol caꞌn panuwiꞌ, xuchup upa nuwach. Xa cꞌu xinchꞌelex bi che ri nukꞌab cuma ri e wachbiꞌil, y jelaꞌ xinopon pa ri tinamit Damasco.

¹² »Chiriꞌ cꞌu riꞌ cꞌo jun achi Ananías rubiꞌ; rire lic jusucꞌ rubinic che utakexic tak ri takanic re ri Tzij Pixab, yey lic chom ruchꞌaꞌtibexic caquiꞌan conoje raj judiꞌab ejekel chiriꞌ.

¹³ Xcꞌun cꞌu ri Ananías che wilic, xkib wucꞌ, y jewaꞌ xubiꞌij chwe: “Hermano Saulo, chacꞌulu tanchi ratzuꞌnibal” xchaꞌ. Chupa cꞌu laꞌ la jokꞌotaj, xintzuꞌn tanchic y xinwil uwach ri Ananías.

¹⁴ »Ecꞌu ri Ananías xubiꞌij chwe: “Ri Dios que can ri katiꞌ-kamam, atuchaꞌom chic chaꞌ cawetaꞌmaj saꞌ ri lic caraj Rire, cawil cꞌu uwach ri Jun lic jusucꞌ y cata chuchiꞌ janipa ri cubiꞌij chawe.