20 Tak nkeʼa lo yeets chaan Salm ta nzhab: Lee liz Judas gan ne neeka thib zha yote. Sal. 69:25 Ne noga nzhabe: Tedib zha tsow rtsin Judas. Sal. 109:8
21 ’Kona xid re zha kuu mndiy kon Jesús, dita lo mndo Jesús lo reʼaa,
22 desde or kuu mtsowleyy Juan Jesús, ne asta wiz kuu ngwazhoob zha yibaa. Xid re zhaʼa ndoblo yetsal thib zha kuu tsow ayud nee, taa nee kwent lo re men lee Jesús mroban.
23 Tsa mli re zha chop zha: Thib zha le Mati lee tedib zha le Che Barsabás, zha kuu noga ni zha lo Justo.
24 Ne mnaab re zha lo Diox, ne nzhab zha: ―Zha Nabee, lu nlebee leettsoo reta nee. Bloo naa cho thib lo rop zha ree mliʼa,
25 tsa gak zha apóstl ne tsow zha rtsin Judas, tak mlux Judas lo kuu went kuu mtsow Judas, ne ndyaʼa Judas ta ndoblo Judas.
