1 Bbʉ már bbʉjti pʉ Corinto car Apolos, car Pablo má tjoh pʉ jar jöy Frigia, má visita cʉ hermano. Ma ya, bi tjoh pʉ jabʉ mí cja ttøø, pé gá nzøti pʉ jar jñi̱ni Efeso. Nupʉ, pé bú ntjɛhui cʉ dda hermano már bbʉh pʉ.
2 Car Pablo ya, bi dyön‑cʉ́: ―¿Cja bi guahquijʉ car Espíritu Santo bbʉ ngú hñe̱me̱jʉ car Jesucristo?― Gueguejʉ bi da̱dijʉ: ―Ji̱na̱. Nim pa xtá ødeje, ¿cja i bbʉh car Espíritu Santo?―
3 Diguebbʉ ya, car Pablo pé bi dyönijʉ: ―¿To ʉ́r hñu̱ nguí tɛnijʉ bbʉ ngú xixtjejʉ ya, bbʉ?― Cja̱ pé bi da̱di gueguejʉ: ―Ndí tɛnije cár hñu̱ car Juan ca mí xix yʉ cja̱hni.―
