21 Jaskáxon Pablon jato neskáakin yoia iki: “Dios keenketianra, ea jakiribi joríbati iki mato oinni”, akin. Jato jaskáabaini ja Efesoainoax wapóronin nanetax moa kaa iki.
22 Jainoax ja Cesareanko nokotax, ja Jerusalénhainoa joi akaibopari jato oinni kaa iki. Jain basichaa ikax, moa tekíkaini Antioquíain kaa iki.
23 Jain basichaa itaanan, moa jakiribi banékin, Galacia betan Frigia main iká jemabotiibi jainoa joi akaibo joi yoianan jato koshi shinan bimaboa iki.
