17 Hinaqtinmi llapallan nacionkunamanta runakunapas, noqata mashkawaspa, noqaman hamunqaku. Chaymi chay huk law nacionniyoq runakunaqa noqapi creespanku, wawaykuna kanqaku.
18 Kaykunatan qankunaqa ñawpaqmantapacharaq ña yacharankichishña”, nispa Amós 9.11-12.
19 Chaymi niykichis, huk law nacionniyoq runakunaqa, Diospi creesqankuraykun, (ña Diospa wawankunaña kanku.) Chayraykun paykunataqa manaña obligananchishñachu, leyman hina ñawpaq costumbrenchiskunata ruwanankupaqqa.
