44 Jare mbutuu ara ou vae pe opaete seri tenta guasu pegua reta uyembatɨ, uyapɨsaca vaerã Tumpa iñee re.
45 Ẽrei judío reta uecha yave jeta vae yatɨ, uñemɨagüɨ̃ro, jare jei añete'ã co Pablo jei vae, jare jei icavi mbae vae Pablo cotɨ.
46 Jayave Pablo jare Bernabé imiari uquɨye mbae reve chupe reta. Jei reta: —Añete icavi co ore numɨmbeu vaerã peve rani Tumpa iñee. Ẽrei perɨ̃ro ma. Pipota'ã ma. Jucuarãi picuaaca oreve penoita'ã co tecove opa mbae vae. Jáeramo añave numɨmbeuta judío mbae vae reta pe.
47 Echa'ã yandeYa oreocui cuarãi: ‘Pomondo judío mbae vae reta pe, peraa vaerã tembipe chupe reta, jare pemɨmbeu vaerã opaete ɨvɨ pegua reta pe Tumpa umbɨasata co.’ Jocuarãi oreocui —jei reta.
48 Jare judío mbae vae reta uyandu yave cua ñee, tuicha uyerovia reta, jare umbutuicha Tumpa iñee. Jare güɨrovia opaete jocua Tumpa uiparavo tecove opa mbae vae güɨnoi vaerã vae reta.
49 Jare Tumpa iñee uñemɨai opaete jocua ɨvɨ rupi.
