Hechos 13:40-42

⁴⁰Profetas jóarigue mʉ́ãrẽ wáari jĩĩrã, ãñurõ wãcũña. Biiro jóarira niiwã:

⁴¹Mʉ́ã Cõãmacʉ̃rẽ buijã́rã, ãñurõ tiiyá. Mʉ́ã catiré bʉrecorire yʉʉ tiiádarere ẽñogʉ̃́da. Ãpẽrã́ mʉ́ãrẽ teeré ãñurõ wedepacari, padeorídojãcu. Teero tiirá, ĩñamanijõã, diajõããdacu mʉ́ã, jĩĩ jóarira niiwã, jĩĩ wedeyigʉ Pablo.

⁴²Cʉ̃́ã witiwari, cʉ̃́ãrẽ sãĩyíra: —Ape yeerisãri bʉreco niirĩ, ateré buewa sũcã ʉ̃sãrẽ, jĩĩyira.