10 Nach gože'ne': ―Naco' xi'iṉ Satanás dan' chnabia' da' x̱igüe' ca', yeḻa' güex̱oayag c̱hio' na' yeḻa' beṉe' mal c̱hio'. Bi chazlažo' bite'teze da' güen. ¿Bic̱hen' cbi chbezo' chžono' yosozenag beṉe' diža' ḻi c̱he X̱anto' Diosen'?
11 Da'nan' X̱anto' Diosen' goṉe' castigw c̱hio' na' c̱hoḻo' to tiemp, bi gac le'edo' gwbiža'. Nach ḻa' gwc̱hoḻtie', gwde ca to bejw ḻo yejlagüe'na', nach gwzolagüe' chgan chtobe' cheyiljue' no gox̱e' ne'e cont cue' nez.