6 Nu ra xui a gue mi ɛ̨n'a ra Herodes xtán gʉc 'bʉ mí hyats'i, nu ra Pedro mi cät'inde yoho yʉ dofʉi, nɛ nu'a, nthu't'i yoho yʉ cadena, nɛ bin ąha. Nɛ xø mí 'bäpʉ mi'da yʉ dofʉi bʉ ja rá goxthi ra fädi.
7 N'dahmantho bi zøpʉ 'bʉh ra Pedro n'da rám 'bɛhni ra Hmu mahɛ̨ts'i. Nɛ bi nɛcpʉ mbo ra fädi. Nu ram 'bɛhni bi 'yąnba rá hyo ra Pedro, bi 'yä'a, nɛ bi 'yɛ̨mbi: ―Ndants'a n'dihi, bi 'yɛ̨mbi. Nu yʉ cadena bi xosɛ gue'a mán thu't'i rá 'yɛ.
8 Nɛ nu ram 'bɛhni bi 'yɛ̨mp'a mahøn'a: ―Dami tʉ't' ni ngʉ't'i nɛ gui 'yʉ't' ni thįxfani. Nu ra Pedro bi 'yøt'e tengu bi si'a. Nɛ xø bi 'yɛ̨mbi: ―Hye ni dąpahni nɛ gui tɛngui.
