15 Huan inijuanti quinanquilijque: ―¡Tihuihuitic! Pero Rode más chicahuac quinilhui para melahuac Pedro itztoya calteno. Huan quiilhuijque: ―Ax ya. Huelis ielhuicac ejca tlen quimocuitlahuía.
16 Pero Pedro noja quitajtacaniyaya cuapuerta. Huajca inijuanti yajque quicaltlapotoj huan san quisentlachilijque quema quiitaque.
17 Pero Pedro quintlamanextili ma ax molinica huan quinpohuili quejatza Tohueyiteco quiquixtijtoya ipan tlatzactli. Huan quinilhui: ―Xiquinpohuilica Jacobo huan nochi toicnihua tlen panotoc. Huan Pedro quisqui huan yajqui sejcoyoc.
