HECHOS 10:14-20

¹⁴Beží'i Bedon', na' wnné': —O'o, X̱an. Batkle bdawa' da' bi žaḻa' gawto' o da' bi naken chawe'.

¹⁵Da' bežope chi'i benle' chi'i bennen', na' gože' ḻe': —Da' ben chawe' Dios, bi nnio' chen: “Bi naken chawe'.”

¹⁶Chonne chi'i gok da' ki, na' naž laže' ẕen na' ḻa' beyepten ya'abá.

¹⁷Kate' ne žek zedle Bedon', na' žezá' ḻaže'e biẕ zejḻás dan' bḻe'e dáwe'le', benne' ka' bseḻa' Kornelion' bžíngake' ga na', na' wnnábgake' gan zoa liž Smon na'.

¹⁸Kate' bžíngake' ža yo'on', bḻížgake' benne' ka' nníta'gake' ga na', na' wnnábgekle' ḻégake' cha' zoa to benne' lie' Smon ga na', bennen' ḻezka' lie' Bedw.

¹⁹Kate' ne žezá' ḻaže' Bedon' kan nak dan' bḻe'e dáwe'le', Dios Be' La'y gože' ḻe', na' wnné': —Bwia nga. Ba bžingak chonne benne' ka' nga, na' žíljgake' le'.

²⁰Wzó ža' na'a. Betj ẕan yo'o. Bi gak chope ḻažo'o chéjḻeno' ḻégake', dan' bseḻa'a nedkza' ḻégake'.