13 Pedro káxmatli jaé tachihuí̱n: ―Pedro, camakni xani̱ma̱ta quitzistanca lacasquina y cali̱huá̱yanti.
14 Pedro kálhti̱lh: ―To̱, aquit ni̱cxni cuani̱t li̱xcájnit quitzistanca.
15 Amá tí ixchihui̱nama huanipá: ―Ni̱ cali̱macapi li̱xcájnit tú ma̱tla̱ni̱ni̱t Dios.
16 Pedro maktutu li̱lacahuá̱nalh istzaksacán ma̱hui̱cán amá quitzistancaní̱n; a̱stá̱n ta̱cxtupá nac akapú̱n amá paklanca lháka̱t.
